Litli-Hvammur

Sagan Litli Hvammur eftir Einar Kvaran birtist fyrst í Ísafold árið 1898. Mun Einar sennilega hafa skrifað hana á Korsíku. Þangað fór hann í boði Björns Jónssonar ritstjóra til að ná heilsu eftir að hafa fengið berkla í Vesturheimi. Á þessum tíma var Einar enn nokkuð hallur undir raunsæisstefnuna enda hafði hann verið einn af sporgöngumönnum hennar með útgáfunni á Verðandi árið 1882. Sagan sem gerist í sveit er á margan hátt mjög dæmigerð fyrir þennan tíma og raunsæisstefnuna og eins og fyrri daginn tekst Einari alltaf vel upp í lýsingum sínum á smælingjum og þeim sem minna mega sín.

Emma Björnsdóttir les.