Árni

Skáldsagan Árni eftir Björnstjerne Björnsson er sveitasaga sem gerist í Noregi á seinni hluta nítjándu aldar þegar hafnar eru ferðir til Vesturheims. Hér segir fyrst frá foreldrum Árna og svo uppvaxtarárum hans fram á fullorðinsár. Hann dreymir snemma um betra líf fjarri heimahögum, en hann er bundinn við búskapinn heima og móður sína einstæða, en einnig kemur rómantík í spilið. Sagan var gefin út í íslenskri þýðingu Þorsteins Gíslasonar árið 1897.

Björnstjerne Björnsson (1832-1910) er einn af merkustu rithöfundum Noregs. Eftir hann liggur fjöldi verka, skáldsögur, ljóð og leikrit. Mörg þeirra hafa verið þýdd á íslensku, en Björnstjerne Björnson var um langt skeið einn þekktasti og áhrifamesti erlendi rithöfundurinn meðal Íslendinga. Þó nokkur fjöldi verka hans hefur verið þýddur á íslenska tungu. Björnstjerne Björnson hlaut Nóbelsverðlaunin í bókmenntum árið 1903.

Kristján Róbert Kristjánsson les.